ਗੁਰਦਾਸਪੁਰ ਤੋਂ 3 ਮਹੱਤਵਪੂਰਨ ਖ਼ਬਰਾਂ : ਵਿਆਹੁਤਾ ਦੀ ਮੌਤ, ਨਿਉਜੀਲੈਂਡ ਵਿੱਚ ਪੀ ਆਰ ਕਰਾਉਣ ਦੇ ਨਾ ਤੇ 13 ਲੱਖ ਦੀ ਠੱਗੀ

ਭੁੱਕੀ , ਚੋਰੀ ਦੇ ਇਕ ਮੋਟਰ-ਸਾਈਕਲ ਅਤੇ ਨਜਾਇਜ ਸ਼ਰਾਬ ਸਮੇਤ 5 ਵਿਅਕਤੀ ਕਾਬੂ 

ਗੁਰਦਾਸਪੁਰ ( ਨਿਰਦੋਸ਼  ) :- ਪੁਲਿਸ ਜਿਲਾ ਗੁਰਦਾਸਪੁਰ ਅਧੀਨ ਪੈਂਦੇ ਵੱਖ-ਵੱਖ ਪੁਲਿਸ ਸਟੇਸ਼ਨਾ ਦੀ ਪੁਲਿਸ ਵੱਲੋਂ ਇਕ ਵਿਅਕਤੀ ਨੂੰ 450 ਗ੍ਰਾਮ ਚੋਰੀ ਦੇ ਇਕ ਮੋਟਰ-ਸਾਈਕਲ ਅਤੇ 60 ਹਜ਼ਾਰ ਮਿਲੀ ਲੀਟਰ ਨਜਾਇਜ ਸ਼ਰਾਬ ਸਮੇਤ 5 ਵਿਅਕਤੀਆਂ ਨੂੰ ਕਾਬੂ ਕਰਨ ਦਾ ਦਾਅਵਾ ਕੀਤਾ ਗਿਆ ਹੈ ।ਐਸ ਆਈ ਦਲਜੀਤ ਸਿੰਘ ਪੁਲਿਸ ਸਟੇਸ਼ਨ ਦੀਨਾ ਨਗਰ ਨੇ ਦਸਿਆਂ ਕਿ ਉਹ ਪੁਲਿਸ ਪਾਰਟੀ ਸਮੇਤ ਗਸ਼ਤ ਕਰਦੇ ਹੋਏ ਵਹੀਕਲਾ ਦੀ ਚੈਕਿੰਗ ਕਰ ਰਿਹਾ ਸੀ ਕਿ ਫਲਾਈ ਉਵਰ ਦਬੂਰਜੀ ਸ਼ਾਮ ਸਿੰਘ ਤੋ ਸਰਬਜੀਤ ਸਿੰਘ ਪੁੱਤਰ ਕੁਲਦੀਪ ਸਿੰਘ , ਸਰਵਨ ਸਿੰਘ ਉਰਫ ਸੰਮਾ ਪੁੱਤਰ ਕਸ਼ਮੀਰ ਸਿੰਘ ਵਾਸੀਆਨ ਦੂਲੋਆਣਾ ਨੂੰ ਟੱਰਕ ਨੰਬਰ ਪੀ ਬੀ 06 ਏ ਡਬਲਯੂ 4187 ਨੂੰ ਸ਼ੱਕ ਪੈਣ ਉੱਪਰ ਕਿ ਇਹਨਾ ਪਾਸ ਨਸ਼ੀਲਾ ਪਦਾਰਥ ਹੈ ਕਾਬੂ ਕਰਕੇ ਟੱਰਕ ਦੀ ਤਲਾਸ਼ੀ ਕੀਤੀ ਤਾਂ ਟੱਰਕ ਦੇ ਡੈਸ਼ ਬੋਰਡ ਵਿੱਚੋ 450 ਗ੍ਰਾਮ ਭੁੱਕੀ ਬਰਾਮਦ ਹੋਈ । ਏ ਐਸ ਆਈ ਮਨਜੀਤ ਸਿੰਘ ਪੁਲਿਸ ਸਟੇਸ਼ਨ ਕਾਹਨੂੰਵਾਨ ਨੇ ਦਸਿਆਂ ਕਿ ਉਸ ਨੇ ਪੁਲਿਸ ਪਾਰਟੀ ਸਮੇਤ ਗਸ਼ਤ ਕਰਦੇ ਹੋਏ ਮੁੱਖਬਰ ਖ਼ਾਸ ਸੂਚਨਾ ਤੇ ਪਿੰਡ ਘੁਕਲਾ ਮੰਦਿਰ ਦੇ ਪਿੱਛੇਲੇ ਪਾਸੇ ਝਾੜੀਆਂ ਵਿੱਚ ਰੇਡ ਕਰਕੇ ਲਖਬੀਰ ਸਿੰਘ ਉਰਫ ਲੱਖਾਂ ਪੁੱਤਰ ਹਰਭਜਨ ਸਿੰਘ ਵਾਸੀ ਮੋਚਪੁਰ ਨੂੰ 30 ਹਜ਼ਾਰ ਮਿਲੀ ਲੀਟਰ ਨਜਾਇਜ ਸ਼ਰਾਬ ਸਮੇਤ ਕਾਬੂ ਕੀਤਾ ਕੀਤੀ । ਏ ਐਸ ਆਈ ਰਵਿੰਦਰ ਸਿੰਘ ਪੁਲਿਸ ਸਟੇਸ਼ਨ ਭੈਣੀ ਮੀਆਂ ਖਾਂ ਨੇ ਦਸਿਆਂ ਕਿ ਉਸ ਨੇ ਪੁਲਿਸ ਪਾਰਟੀ ਸਮੇਤ ਗਸ਼ਤ ਕਰਦੇ ਹੋਏ ਟੀ ਪੁਆਇੰਟ ਆਲਮਾਂ ਧੁੱਸੀ ਤੋ ਪ੍ਰੇਮ ਸਿੰਘ ਪੁੱਤਰ ਮਹਿੰਦਰ ਸਿੰਘ , ਨਰਿੰਦਰਜੀਤ ਸਿੰਘ ਪੁੱਤਰ ਬਲਵਿੰਦਰ ਸਿੰਘ ਵਾਸੀਆਨ ਮੋਚਪੁਰ ਨੂੰ ਮੋਟਰ-ਸਾਈਕਲ ਨੰਬਰ ਪੀ ਬੀ 06 ਏ ਜੈਡ 0161 ਸਮੇਤ ਕਾਬੂ ਕਰਕੇ ਪਲਾਸਟਿਕ ਦੇ ਕੈਨ ਵਿੱਚੋਂ 30 ਹਜ਼ਾਰ ਮਿਲੀ ਲੀਟਰ ਨਜਾਇਜ ਸ਼ਰਾਬ ਬਰਾਮਦ ਕੀਤੀ । ਏ ਐਸ ਆਈ ਗੁਰਦੀਪ ਸਿੰਘ ਪੁਲਿਸ ਬਹਿਰਾਮਪੁਰ ਨੇ ਦਸਿਆਂ ਕਿ ਉਸ ਨੇ ਪੁਲਿਸ ਪਾਰਟੀ ਸਮੇਤ ਗਸ਼ਤ ਕਰਦੇ ਹੋਏ ਮੁੱਖਬਰ ਖ਼ਾਸ ਦੀ ਸੂਚਨਾ ਤੇ ਨਾਕਾ ਬੰਦੀ ਦੋਰਾਨ ਪਸਿਆਲ ਪੁੱਲੀ ਤੋ ਰਣਜੀਤ ਸਿੰਘ ਉਰਫ ਸੋਨੂ  ਪੁੱਤਰ ਲੇਟ ਮਨਧੀਰ ਸਿੰਘ ਵਾਸੀ ਗੁਰਦਾਸਪੁਰ ਨੂੰ ਚੋਰੀ ਸ਼ੁਦਾ ਮੋਟਰ-ਸਾਈਕਲ ਸਮੇਤ ਕਾਬੂ ਕੀਤਾ । ਪੁੱਛ-ਗਿੱਛ ਦੋਰਾਨ ਰਣਜੀਤ ਸਿੰਘ ਨੇ ਦਸਿਆਂ ਕਿ ਇਹ ਮੋਟਰ-ਸਾਈਕਲ ਉਸ ਨੇ ਜਹਾਜ਼ ਚੋਕ ਤੋ ਚੋਰੀ ਕੀਤਾ ਸੀ ਤੇ ਵੇਚਣ ਲਈ ਜੰਮੂ-ਕਸ਼ਮੀਰ ਜਾ ਰਿਹਾ ਸੀ ।

ਨਿਉਜੀਲੈਂਡ ਵਿੱਚ ਪੀ ਆਰ ਕਰਾਉਣ ਦੇ ਨਾ ਤੇ 13 ਲੱਖ ਦੀ ਠੱਗੀ

ਗੁਰਦਾਸਪੁਰ  ( ਅਸ਼ਵਨੀ ) :- ਨਿਉਜੀਲੈਂਡ ਵਿੱਚ ਪੀ ਆਰ ਕਰਾਉਣ ਦੇ ਨਾ ਤੇ 13 ਲੱਖ ਰੁਪਏ ਦੀ ਠੱਗੀ ਮਾਰਣ ਦੇ ਦੋਸ਼ ਵਿੱਚ ਪੁਲਿਸ ਸਟੇਸ਼ਨ ਸਿਟੀ ਗੁਰਦਾਸਪੁਰ ਦੀ ਪੁਲਿਸ ਵੱਲੋਂ ਇਕ ਵਿਅਕਤੀ ਵਿਰੁੱਧ ਮਾਮਲਾ ਦਰਜ ਕੀਤਾ ਗਿਆ ਹੈ ।
                 ਡਾ. ਰਾਜ ਮਸੀਹ ਪੁੱਤਰ ਉਮਰ ਮਸੀਹ ਵਾਸੀ ਗੁਰਦਾਸਪੁਰ ਨੇ ਪੁਲਿਸ ਨੂੰ ਕੀਤੀ ਸ਼ਿਕਾਇਤ ਰਾਹੀਂ ਦਸਿਆਂ ਕਿ ਉਸ ਦਾ ਲੜਕਾ ਸੁਮੀਲ ਮਸੀਹ ਨਿਉਜੀਲੈਂਡ ਸੱਟਡੀ ਵੀਜ਼ੇ ਤੇ ਗਿਆ ਹੋਇਆਂ ਹੈ ਜਿਸ ਦੀ ਪੜਾਈ ਸਾਲ 2019 ਵਿੱਚ ਖਤਮ ਹੋ ਗਈ ਸੀ । ਬਾਲ ਕ੍ਰਿਸ਼ਨ ਪੁੱਤਰ ਜਗਦੀਸ਼ ਰਾਜ ਵਾਸੀ ਤਾਲਿਬਪੁਰ ਪੰਡੋਰੀ ਨੇ ਉਸ ਨੂੰ ਦਸਿਆਂ ਕਿ ਉਸ ਦੀ ਨਿਉਜੀਲੈਂਡ ਵਿਖੇ ਕਾਫ਼ੀ ਜਾਣ ਪਛਾਨ ਹੈ ਤੇ ਉਹ ਵਿਦੇਸ਼ਾਂ ਵਿੱਚ ਬਚਿਆਂ ਨੂੰ ਪੀ ਆਰ ਕਰਾਉਣ ਦਾ ਕੰਮ ਕਰਦਾ ਹੈ । ਇਸ ਕੰਮ ਲਈ ਬਾਲ ਕ੍ਰਿਸ਼ਨ ਨੇ ਡਾ. ਰਾਜ ਕੁਮਾਰ ਦੇ ਬੇਟੇ ਨੂੰ ਨਿਉਜੀਲੈਂਡ ਵਿੱਚ ਪੀ ਆਰ ਕਰਾਉਣ ਲਈ 14 ਲੱਖ ਰੁਪਏ ਦੀ ਮੰਗ ਕੀਤੀ ਤਾਂ 13 ਲੱਖ ਰੁਪਏ ਵਿੱਚ ਗੱਲ ਪੱਕੀ ਹੋ ਗਈ । ਜਦੋਕਿ ਬਾਲ ਕ੍ਰਿਸ਼ਨ ਨੇ ਡਾ ਰਾਜ ਮਸੀਹ ਪਾਸੋ 13 ਲੱਖ ਰੁਪਏ ਲੇ ਕੇ ਉਸ ਦੇ ਬੇਟੇ ਨੂੰ ਪੀ ਆਰ ਨਹੀਂ ਕਰਵਾਈ ਤੇ ਨਾ ਹੀ ਲਏ ਹੋਏ ਪੈਸੇ ਵਾਪਿਸ ਕੀਤੇ ।
                     ਸਬ ਇੰਸਪੈਕਟਰ ਅਮਨਪ੍ਰੀਤ ਕੋਰ ਨੇ ਦਸਿਆਂ ਕਿ ਡਾ. ਰਾਜ ਮਸੀਹ ਵੱਲੋਂ ਕੀਤੀ ਸ਼ਿਕਾਇਤ ਦੀ ਜਾਂਚ ਉਪ ਪੁਲਿਸ ਕਪਤਾਨ ਸਥਾਨਿਕ ਗੁਰਦਾਸਪੁਰ ਵੱਲੋਂ ਕਰਨ ਉਪਰਾਂਤ ਬਾਲ ਕਰਿਸ਼ਨ ਵਿਰੁੱਧ ਮਾਮਲਾ ਦਰਜ ਕਰਕੇ ਅੱਗੇ ਕਾਰਵਾਈ ਕੀਤੀ ਜਾ ਰਹੀ ਹੈ ।